準備迎接「1月效應」

感恩節後股市回升，我老曹一早已指出只係反彈，希望幫到各位趁反彈減持藍籌股。
近日美國銀行業面對嚴峻嘅信貸問題，令股市又再受壓；加上內房股漸染秋涼（感冒），加快令恒生指數回落。
漲潮總有落潮時，今年人行已十次提升存款準備金率、五次加息，經濟過快增長勢頭有望受壓抑。呢次只係樓市降溫而唔係地產整體休克；影響之下，香港不但內房股受壓，本港地產股亦由於在响地投資漸多而逃不了一跌命運。
雖然係咁，各位應準備「1月效應」（即12月24日至1月初股市再上升）此乃典型櫥窗裝飾。
近日股市愈係下跌，出現回升機會愈大；唔排除港股下周見底回升。