努力射中牛眼

財富來自新概念（innovation）及解決難題方案（problem solution），而非勤勤力力。勤力人只可搵兩餐，但好難發達，最多成為中產階級，但地產商財富卻來自七十年代開始解決港人居住難題。

未來財富主要來自引入新概念，例如過去兩個多月港股A股化，為唔少人帶來財富，請留意邊D企業剛完成大轉身。我地已唔需要大牛市去賺錢，而係努力去射中牛眼，追求100％回報（或跌15％離場）。

Trading is hard work但值得,一份射中牛眼所帶來感覺，除金錢回報外，更帶來一份光榮感。
另一方面，要留心自己係咪過分自信，而睇唔到投資股份缺點？
又或者過分猶豫？
又或者太蠢太早減持，讓太多利潤從自己手中流走？
Trading有如《洛奇》電影中D主角，打倒別人之前，自己先被別人打到面腫！射中牛眼D感覺好比一次又一次追求、戀愛及成功贏得女性芳心。
現實生活中，人只能瘋狂地追求一次、戀愛一次，當贏得芳心後便要結婚，唔容許有第二次。股票市場卻容許一次又一次追求、甚至苦戀，而最後成功。


牛眼投資法強調揀股，較少理會指數高低（恒生指數8000點時亦有唔少股份偏高，恒生指數32000點一樣有唔少股份偏低），採用者必須係對個別股票有深入了解者而非初哥（神槍手通常只有兩粒子彈，第一粒射唔中便第二粒，再唔打中便走頭。只有新兵才使用機關槍，亂槍掃射下，希望有一粒射中）。